Rematan os traballos para sinalizar o Camiño de Barbanza, A Orixe

21 Abril 2022

A Mancomunidade Barbanza Arousa e a Asociación de Amigos do Camiño do Barbanza informaron do remate dos traballos para sinalizar o percorrido íntegro do Camiño do Santiago na nosa comarca, A Orixe, ao seu paso polos concellos de Ribeira, A Pobra do Caramiñal, Boiro e Rianxo.

Este conxunto de sinais supón, en palabras das ditas entidades, “o pistoletazo de saída para este ano Xacobeo 2022 que será definitivo no impulso desta ruta xacobea” e grazas ao cal prevese que no mes de xuño cheguen “importantes grupos de peregrinos para gozar da beleza incomparábel que ofrece esta andaina”.

A Mancomunidade engade que a dotación do Camiño con esta infraestrutura resulta “fundamental” para a orientación dos peregrinos e camiñantes que se achegan a Barbanza Arousa para coñecer de primeira man a experiencia desta peregrinación xunto ao mar.

Barbanza Arousa engade que as persoas que desexen máis información sobre o Camiño do Barbanza, A Orixe, poden atopala no apartado específico da ruta na web da Mancomunidade, onde está dispoñíbel para a súa descarga unha completa guía das etapas do Camiño e os tracks do percorrido.

Outros artigos

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...