Ambar organiza en xullo o festival de artes inclusivas e patrimonio costeiro, Mar Diverso

29 Abril 2022

A Asociación Ambar das persoas con diversidade funcional achegounos detalles sobre unha das súas grandes iniciativas desta tempada: Mar Diverso, o festival de artes inclusivas e patrimonio costeiro, que se vai desenvolver do 26 ó 31 de xullo mesturando artes plásticas, escénicas e artesanía.

O obxectivo é “poñer en valor o patrimonio e a cultura tradicional mariñeira” e facelo ademais sen barreiras sociais de ningún tipo e poñendo o foco nas posibilidades de autonomía, mellora persoal e profesional e apoderamento que pon en xogo a creación artística.

Desenvolverase en distintos concellos da ría de Arousa do 26 o 31 de xullo deste 2022. En cada localización expoñerase unha peza escénica ou plástica que será realizado de maneira colaborativa entres os distintos grupos de artistas con diversidade funcional e as artistas invitadas coas que se traballará previamente. Entre as creadoras atópanse as integrantes do grupo de artes escénicas, o grupo de artes plásticas e o grupo de artesanía de Ambar.

Como artista convidado e director artístico dunha das pezas atópase Fran Sieira (1990), artista local, fundador da compañía de danza Fran Sieira (2017), que pon en valor o folclore galego e que ten pezas escénicas como Demente e Entre soños. Sieira, bailador dende os 8 anos é o director artístico do Grupo de Baile e Música tradicional Tahúme dende 2003. Dentro da súa experiencia cabe destacar a de bailador nos espectáculos Isolma (2007) da compañía G221, Alén da Croa (2012) da compañía Quique Peón Cía, e Son (2016) da compañía Nova Galega de Danza. Actualmente atópase na fase de preprodución e ensaios co grupo de artes escénicas formado por Noelia Argibay, Ángeles Devesa, Marina Mondelo, Conchita Mouriño, Carmen Pérez, Paula Ramallo, Montse Queiruga e Mercedes Ríos; cunha peza que versa sobre a cultura mariñeira.

Ambar lembra que este festival é posíbel grazas ao financiamento do GALP Ría de Arousa e contribúe á visión de futuro da estratexia EDLP fomentando que toda a ría de Arousa se vexa de maneira integrada de cara á dinamización do territorio.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...