Remata o inverno e toca poñerse as botas para camiñar. Esta é a proposta do programa O Son Camiña, impulsado polo Concello de Porto do Son co obxectivo de achegar aos camiñantes un circuíto de rutas por algunhas das mellores e máis abraiantes paisaxes do territorio galego. A primeira etapa deste ano será o 27 de marzo, sen ir máis lonxe.
Trátase da Ruta Xacobea que vai dende O son até Toxosoutos, no concello de Lousame. Serán nada máis e nada menos que trinta quilómetros de percorrido con dificultade alta. Haberá unha primeira quedada en Toxosoutos ás 8.00 horas para coller o autobús que levará ás e aos participantes até Porto do Son, de onde partirá a saída a pé ás 9.00 horas. As prazas serán limitadas e o prezo da inscrición (que se pode formalizar online) de 5 euros. O pago cómpre efectualo na Oficina de Deportes ou na conta ES242080031245311000-0102 co concepto “Andaina Xacobea 1ª Etapa + nome da persoa participante”.
