O sector pesqueiro español decidiu este mércores desconvocar o paro da frota, que estaba amarrada a porto desde o pasado venres, tras a reunión co ministro de Agricultura, Pesca e Alimentación, Luís Planas, que avanzou a intención do Goberno de articular unha serie de medidas para paliar a alza do gasóleo.
Desta maneira, fontes da Federación Nacional de Confrarías de Pescadores ( FNCP) confirmaron que a frota pesqueira desconvoca o paro e fará “un gran esforzo saíndo a faenar a perdas”, aínda que son conscientes “da necesidade de traer alimento de primeira necesidade” e mostraron a súa confianza nas medidas expostas polo Ministerio.
Planas avanzou a intención do Goberno de articular unha serie de medidas para axudar ao sector pesqueiro polo incremento de prezos do gasóleo que estarán incluídas no ‘Plan de resposta ás consecuencias da guerra en Ucraína’, que se aprobará o próximo 29 de marzo.
