O Rotogal Boiro Voleibol e Cáritas organizan unha colleita de material humanitario para Ucraína

A causa do conflito bélico que ten lugar en Ucraína, o Rotogal Boiro Voleibol, en colaboración con Cáritas, organiza unha colleita de material humanitario para realizar un envío ao país do leste de Europa. Os interesados poden doalo todos os días, de seis a oito da tarde no Pavillón da Cachada. Tamén poden entregalo os días dos partidos ante o Unicaja Almería (o xoves ao oito da tarde) e o Emevé (o sábado ao seis).

O material humanitario que o Rotogal Boiro Voleibol e Cáritas recollen para enviar a Ucraína inclúe artigos de protección para a COVID-19 (máscaras, luvas de un só uso, xel desinfectante e toalliñas hidroalcohólicas), medicamentos (antitérmicos, analxésicos, antiinflamatorios e antibióticos), artigos de supervivencia (sacos de durmir, tendas de campaña, esteras, lanternas, baterías para móbil, prismáticos, chisqueiros, kits de costura, chifres, mantas térmicas, cordas, mochilas e macutos), material de primeiros auxilios (vendas, gasas, apósitos, algodón, tiritas, esparadrapo, soro fisiolóxico, xiringas, auga osixenada e alcol), alimentos (leite, zumes, batidos, cacao, café, leite infantil, comida para bebés, azucre, cereais, galletas, conservas e comida pre-cociñada), artigos de hixiene persoal (xel, champú, xabón, cueiros, compresas e tampóns) e roupa (roupa interior térmica, gorros, luvas, roupa de abrigo e calcetíns).