Antón Luaces.- O Fondo Europeo Marítimo da Pesca e a Acuicultura (FEMPA) activará nos vindeiros días o mecanismo de crise que permitirá compensar ós pescadores polo encarecemento dos custos de produción, fundamentalmente o gasóleo, por canto se trata dunha perturbación do mercado por unha situación excepcional. As axudas terán efecto retroactivo a partir do 24 de febreiro, día no que comezara a invasión rusa de Ucraína, e poderán prolongarse ata o 31 de decembro próximo.
Este punto foi abordado pola Comisión Europea a petición de España, petición que recibiu o respaldo de 22 dos 27 Estados membros da UE.
Segundo o ministro español de Agricultura, Pesca e Alimentación, Luis Planas, non se pode asumir a produción a perdas e que a frota non pode permanecer parada porque a prioridade de España é “garantir o abastecemento de alimentos á poboación nuns momentos de tanta incerteza como o actual”.
A actividade pesqueira debe ser rendíbel, “debemos evitar a paralización da pesca e o desabastecemento do mercado”, explicou o ministro Planas, para manter a actividade dunha pesca rendible e asegurar a normal subministración de peixe”.
