Este venres, 25 de marzo, rematará un exercicio aeronaval que, dende a tarde do pasado luns, desenvolve no mar da Costa da Morte e na comarca do Barbanza o Mando Operartivo Aerospacial. Básicamente é un exercicio de protección do espazo aéreo español que se enmarca nas operacións permañentes das Forzas Armadas.
No exercicio, denominado Eagle Eye 22, participan -segundo a información feita pública polo Ministerio de Defensa- as fragatas da Armada Álvaro de Bazán, Méndez Núñez, Cristóbal Colón, Reina Sofía e o buque de aprovisionamento para o combate Cantabria. Todos eles zarparono pasado luns para se integrar na operación navais MAR 22-1 en augas do noroeste peninsular. No exercicio EAGLE EYE tamén se integrará circunstancialmente a fragata Almirante Juan de Borbón, co obxectivo de realizarun intenso calendario de accións enfocadas ao incremento do seu nivel de adestramento no ámbito das operacións navais.
Nas manobras toman parte medios da Armada e do Exército do Aire que desenvolverán diferentes actividades ata o venres, que será cando se retiren os efectivos militares que interveñen nestes exercicios e tamén o material empregado, entre este, armamento antiaéreo e terrestre como lanzamísiles terra-aire de última xeración. Por outra banda, equipos operativos de seguranza de infantería de mariña levan a cabo diferentes procedementos de seguridade marítima no exercicio Atenea 22 de forza de proteción.
De carácter b ianual, este tipo de operación constitúen un dos principais fitos de adestramento para os buques que integran a 31ª escuadrilla de superficie e a 41ª escuadrlla de escoltas.
A presenza destes buques é moi visible nas áreas das illas Sisargas (Malpica) e Costa da Morte, así como na comarca do Banbanza, concretamente no monte Iroite (Lousame).
