Os Bombeiros de Ribeira atenderon na noitiña de onte (19:30 horas) un incendio declarado nun galpón anexo a unha vivenda. Por fortuna, ninguén resultou ferido e os danos materiais cinguíronse a unha cheminea e parte do tellado de uralita.
Así o confirmaron os efectivos do parque comarcal a través do 112 Galicia, onde se recibiron as chamadas de alerta dun veciño, que permitiu pór en marcha o operativo.
Cómpre indicar que os feitos ocorreron no lugar de Parada, Xuño, sen máis consecuencias para a contorna.
