Este xoves 31 de marzo, temos unha cita literaria, cultural e investigadora de primeira liña en Dodro. Trátase da presentación do sexto número de Follas Novas, Revista de Estudos Rosalianos, a partir das 20.30 horas na igrexa de Santa María de Dodro, monumento que, por certo, é o protagonista dun dos artigos da publicación.
Na cita están previstas as intervencións de Anxo Angueira, presidente da Fundación Rosalía de Castro, Xosé Luís Axeitos, académico e director da revista, Lydia Fontoira, co consello de redacción da revista, Xabier Castro, alcalde de Dodro e José Ramón Romero Martiño, alcalde de Boiro.
