A Asociación de Amas de Casa de Ribeira organizou para este domingo, o inicio do seu “Camiño A Orixe”, no que participarán unhas 60 persoas, acompañadas dun guía que irá informando e sinalando os diferentes puntos de interese e valor.
O obxectivo é poñer en valor a comarca, polo que cada domingo farase unha etapa ata chegar á capital galega. Na última, os participantes asistirán á misa do peregrino, que se completará cunha comida de confraternidade para poñer o colofón final a unha andaina emotiva e enriquecedora.
