O domingo Galicia continuará baixo a influencia das baixas presións con inestabilidade atmosférica. Espérase unha xornada de ceos parcialmente nubrados, con máis nubes na nosa comarca e onde a probabilidade de choiva aumentará a partir do mediodía na maior parte do territorio, acompañadas de aparello eléctrico.
Segundo informa Meteogalicia, as temperaturas non terán cambios significativos. Así, as mínimas moveranse entre o grao positivo de Lugo e os 8º da Coruña, mentres que as máximas oscilarán entre os 10º de Santiago e os 16º de Vigo.
O vento soprará de compoñente sur moderado, con intervalos fortes no litoral da Coruña.
O noso mar: Vento do sudoeste á mañá, do sur á tarde e variable á noite, forza 5 a 7 á mañá, 4 a 6 á tarde e 2 a 3 á noite. Media vaga á mañá, forte marusía á tarde e mar ovellado á noite. Visibilidade boa á mañá e regular á tarde e á noite. Mar de fondo do noroeste, con ondas de 5 a 6 metros á mañá, 4 a 5 metros á tarde e 3.5 a 4.5 metros á noite.
Mareas
| Muros | ||
|---|---|---|
| Hora* | Altura | |
| Preamar | 00:39 | 2.7 m |
| Baixamar | 07:12 | 1.5 m |
| Preamar | 13:23 | 2.7 m |
| Baixamar | 19:24 | 1.5 m |
| Vigo | ||
|---|---|---|
| Hora* | Altura | |
| Preamar | 00:33 | 2.7 m |
| Baixamar | 07:05 | 1.5 m |
| Preamar | 13:14 | 2.7 m |
| Baixamar | 19:15 | 1.6 m |
| Vilagarcía | ||
|---|---|---|
| Hora* | Altura | |
| Preamar | 00:38 | 2.7 m |
| Baixamar | 07:09 | 1.5 m |
| Preamar | 13:19 | 2.7 m |
| Baixamar | 19:20 | 1.5 m |
