O Concello de Porto do Son proseguiu neste ecuador de febreiro cos traballos para acondicionar e mellorar vías, infraestruturas e inmóbeis.
Os labores desta semana incluíron unha roza integral na contorna da Casa da Cultura de San Pedro, incluída a limpeza dos exteriores do edificio. Tamén foron acondicionadas as canchas de tenis por parte de Protección Civil de Porto do Son.
Por outra banda, os operarios municipais tamén procederon a limpar as cunetas de Sendia ao Catadoiro, co acondicionamento dos camiños con saburra (zahorra).
