Boiro prepárase para a xornada grande do seu Entroido

28 Febreiro 2022

O Concello de Boiro, a través da área de Cultura, organiza unha nova edición do tradicional concurso de disfraces e carrozas no marco das actividades do Entroido 2022. O concurso será este martes 1 de marzo ás 18.00 horas na praza de Galicia, logo do desfile de todas as persoas participantes polas rúas do núcleo urbano.

Segundo informa o Concello, “neste concurso poderán inscribirse todas as asociacións, comunidades, grupos culturais, festeiros, veciñais… ou persoas que así o desexen”. As modalidades establecidas para o certame son as seguintes: individual e parellas, grupos e carrozas. Todas as persoas inscritas no concurso deben participar no desfile.

Os gañadores/as do concurso en cada unha das categorías acadarán os seguintes premios: na categoría individual, 1º de 190 euros, 2º de 170 euros, 3º de 150 euros e 4º de 120 euros. Nos grupos 1º de 300, 2º de 250, 3º de 220, 4º de 180 euros e nas carrozas 1º de 870 euros, 2º de 300 e 3º de 250 euros.

E a maiores….

Presentación Caderno Cultural
Data: venres 4 de marzo
Hora: 20.30 horas
Lugar: Centro Social de Cabo de Cruz
Descrición: presentación dunha nova edición dos Cadernos Culturais, unha publicación que edita o Concello de Boiro e que recolle a tradición do Enterro do Farruquiño de Cabo de Cruz.

-Déixame que che conte
Data: sábado 5 de marzo
Hora: 11.30 horas
Lugar: Biblioteca Municipal de Boiro
Descrición: Déixame que che conte é unha actividade de contacontos para nenos e nenas.
Prazas limitadas. Reservas na web municipal, www.boiro.gal.

-Foliada do Entroido
Data: sábado 5 de marzo
Hora: 20.00h
Lugar: Centro Social de Escarabote
Descrición: Foliada de Entroido da AC Pedra da Aroña. A partir das 19.00h ruada por Escarabote e velorio do Felipiño con chocolate e doces.

Tren dos Enterros
Data: domingo 6 de marzo
Hora: todo o día
Lugar: percorrido polas parroquias
Descrición: o día dos enterros un tren percorrerá as distintas parroquias para chegar aos distintos Enterros que se celebran no municipio.
12.00h – percorrido por Cabo de Cruz para acompañar á comitiva do Enterro do Farruco.
13.30h – pasabares por Praia Xardín para acompañar á comitiva do Enterro da Cunca.
16.00h – saída da comitiva do Enterro do Óso de Abanqueiro.
17.30h – acompañamento da comitiva do Enterro do Felipiño de Escarabote.

Outros artigos

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...