A Biblioteca de Boiro acolle este sábado os contacontos do ciclo Déixame que che conte

Este sábado 5 de febreiro imos ter relatos orais en Boiro para a rapazada. Será ás 11.30 horas na Biblioteca Municipal. O espectáculo diríxese especialmente a crianzas de idades comprendidas entre os 3 e os 6 anos. A sesión deste sábado, pertencente ao ciclo Déixame que che conte, porá o foco na diversidade das familias e nos recursos que temos que poñer en xogo para comprender e reivindicar esta diversidade.
A capacidade será limitada. Cómpre reservar entradas na web municipal.