Unha vez fixada (polos clubs e pola Federacón Galega de Remo) o calendario da pre-temporada de bateis da zona norte de Galicia (Coruña e Lugo), dende o Club de Remo da Pobra do Caramiñal (Club Remo Puebla) veñen de confirmar o inicio das probas de adestramento entre entidades deportivas da nosa contorna, con vistas ao dito calendarios de eventos. Estas probas, de pequeno formato e en clave “amistosa”, comezaron a organizarse hai dous sábados.
Debido ao numero de casos positivos en varios clubs, nestas probas só están a participar o dito club da Pobra e máis o de Cabo de Cruz. Porén, a idea é que participen tamén Rianxo e Ribeira (polo menos). “Esperamos contar con eles as vindeiras semanas”, indican dende a entidade deportiva do Caramiñal, engadindo que nestas regatas de pequeno formato o obxectivo “é prepararaos equipos máis novos (alevín, infantil e cadete, masculino e feminino) para as regatas oficiais e eliminatorias que están previstas para os meses de marzo e abril.
Nas imaxes que acompañamos poden verse os tempos da proba deste sábado e o borrador do calendario.
