O conflicto do porto de Palmeira en vías de solución. O alcalde aborda o problema coa Consellería do Mar e Portos

O Goberno Local de Ribeira segue traballando na busca dunha solución ao conflito xerado no porto de Palmeira e para abordar esta cuestión o próximo martes 18 de xaneiro, as dez da mañá, o alcalde Manuel Ruiz celebrará unha reunión do máximo nivel na Xunta de Galicia: concretamente, coa conselleira do Mar, Rosa Quintana, na que tamén estará a presidenta de Portos de Galicia, Susana Lenguas.
O Executivo do Concello segue reiterando a retirada inmediata dos elementos dispostos provisionalmente no porto de Palmeira e ofrece ao respecto toda a súa colaboración para buscar unha fórmula alternativa que resolva os problemas de tráfico existentes nese punto e que dificultan o normal desenvolvemento das actividades profesionais do sector do mar.
O Goberno de Ribeira quere agradecer o interese mostrado pola conselleira Rosa Quintana e a súa predisposición a dar prioridade a este asunto na súa axenda.