O Concello de Boiro executa obras de pavimentado na rúa Nova

O Concello de Boiro informou do inicio dos traballos para acondicionar e pavimentar a rúa Nova, unha actuación dun importe de 24.380,60 euros que realiza con cargo ao Plan Único (POS) da Deputación da Coruña.

A obra comprende o fresado da zona da actuación e posterior pavimentado e pintado, nunha lonxitude de 256 metros lineais. A actuación vai facer fincapé no peraltado da vía de este a oeste para que as augas da choiva se recollan axeitadamente na rede de sumidoiros instalada.

Estas actuacións forman parte dun proxecto máis amplo para a reparación e mellora de beirarrúas e pavimentos en distintos puntos do municipio. O proxecto engloba diversas actuacións dun orzamento total de 164.074,38 euros financiados pola Deputación da Coruña con cargo ao Plan Único (POS).