O 13 de febreiro celébranse a Marcha BTT e a Andaina Concello de Rianxo

O Servizo de Deportes de Rianxo confirmou que despois da pausa do 2020 por mor da COVID vanse recuperar esta tempada a Marcha BTT e a Andaina Concello de Rianxo, que se celebrarán o 13 de febreiro, con organización da Peña Cicloturista Castro Barbudo e o devandito departamento municipal de Deportes.

A marcha BTT

O domingo 13 de febreiro vaise celebrar a IX Marcha BTT Concello de Rianxo, con saída e chegada no porto da vila e cun itinerario que percorrerá os camiños e montes locais, entrando tamén nos municipios veciños de Dodro, Lousame e Rois. A proba está organizada pola Peña Cicloturista Castro Barbudo e polo Servizo de Deportes do Concello de Rianxo. Trátase dun evento deportivo non competitivo en bicicleta de montaña, dividida en función da dificultade, en tres rutas (curta – 32 km), (media – 50 km) e (longa – 72 km).

V Andaina

De xeito simultáneo á proba BTT desenvolverase a V Andaina Concello de Rianxo, de 19 quilómetros de distancia.

Información básica sobre un evento deportivo por partida dupla

Domingo, 13 de febreiro de 2022

Hora: 9 a 15 h.

Saída e chegada: porto de Rianxo

Modalidade: evento deportivo non federado

Categoría: maiores 18 anos (14 a 17 anos con autorización)

Programa:

8:00 h. Recollida de dorsais

9:00 h. Saída das marchas do Porto de Rianxo

11:00 h. 1º Corte – Ruta CURTA 32 km.

11:45 h. 2º Corte – Ruta MEDIA 50 km.

15:00 h. Hora estimada da chegada dos últimos participantes.

Instrucións para inscrición e prazos

Formalizar a inscrición a través de emesports.es e realizar o pagamento:

Inscrición Marcha BTT

Inscrición Andaina​​​​​​​

Cota:

10 € ata o 29 de xaneiro.

15 € a partir do 30 de xaneiro e ata peche de inscricións.

Peche de inscricións: mércores 9 de febreiro ás 22 h.

Documentación a entregar o día da proba

Oficina organización aberta a partir das 8 h. na lonxa vella (porto de Rianxo) para retirada de dorsais e entrega de documentación:​​​​​​​

-Declaración responsábel.

-Certificado de vacinación con pauta completa ou, no caso de non estar vacinado, test antíxenos/PCR negativo que deberán realizar entre as 72 e 24 horas previas a celebración do evento.

-Autorización, no caso dos menores de idade.

É obrigatorio realizar o autotest antes de acudir ao lugar de celebración da proba e seguir as instrucións en caso de resposta positiva.

Máis información

castrobarbudo@gmail.com

deportes@concelloderianxo.gal

Servizo de Deportes – Rianxo 981 86 63 81