O concello de Boiro acolle o seminario intensivo de defensa persoal feminina que organiza a Deputación da Coruña e que se vai celebrar o 12 de febreiro de 2022 en horario de 10.00 a 14.00 horas. As inscricións poden facerse xa a través do enderezo electrónico cim@boiro.org ou o teléfono de contacto 981 84 48 00 ext. 1285.
O seminario está destinado a mulleres con idades comprendidas entre os 14 e os 70 anos empadroadas en calquera dos municipios da provincia. O número mínimo de inscricións requiridas para que se celebre a actividade é de 20. En Boiro o curso vaise levar a cabo no pavillón de Barraña, o sábado 12 de febreiro en horario de 10.00 a 14.00 horas.
O Concello de Boiro participa nesta iniciativa da Deputación da Coruña, que organiza oito edicións deste seminario “no que as mulleres poderán ensaiar técnicas e estratexias para defenderse ante un intento de agresión, rompendo os mecanismos que bloquean e imposibilitan a reacción de resposta”, sinalou a entidade provincial, engadindo que o programa contará cunha presentación para explicar a dinámica da formación e establecer os grupos de traballo, seguida dunha segunda parte para o quecemento e a práctica de técnicas sobre como situarse, afianzarse, saber caer e saber levantarse, como manexarse no chan, moverse e desprazarse e manter a distancia.
Seguirán aos ditos contidos unha terceira parte de técnicas de autodefensa e unha cuarta de protocolo de actuación no ámbito da defensa persoal como distraer, sorprender, rexeitar, pedir axuda…
