A formación, a integración de inmigrantes e os recursos para minimizar nas familias os efectos da COVID marcaron a actividade de Cáritas Ribeira en 2021

Cáritas Parroquial de Ribeira rematou o ano facendo un balance das principais actividades solidarias e humanitarias que impulsou a entidade ou nas que colaborou. O traballo realizado incluíu formación, atención a inmigrantes e familias vulnerábeis, encontros de fraternidade entre culturas, andainas solidarias e mesmo accións directamente encamiñadas a minimizar as consecuencias (sociais, sanitarias, económicas) da COVID-19.

Esta é a relación das principais liñas de traballo desenvolvidas por Cáritas Parroquial de Ribeira neste ano que vimos de despedir:

-Atención primaria: Atención personalizada, acollida, análise individualizada, revisión expedientes e situacións concretas das familias, información de axudas, acompañamento e privacidade. Derivación a outros servizos especializados.

-Proxecto Xanela (Inserción socio-laboral, formación, loita contra a cronificación da pobreza.

-Clases de alfabetización e español para inmigrantes.

-Traballo e programas para inmigrantes con metodoloxía semellante ao proxecto Xanela, integración, inserción laboral, formación e protección social.

-Encontro multicultural no Parque Periurbano San Roque en colaboración con Concello, Servizos Sociais, ICE Renovación, Comunidade Islámica, Obradoiro Municipal de Cociña. Dinamización do parque, coidado, educación na protección medio-ambiental, adopción dunha parcela para o seu coidado.

-Andaina Solidaria CONGALSA 2021.

-Formación interna do voluntariado.

-Cursos de formación: dependente de comercio (temario axustado a certificado de profesionalidade en actividades auxiliares de comercio con carné de manipulación de alimentos e alérxenos, prácticas hixiénicas e de seguridade no posto de traballo relativas á COVID-19.

-Curso de cociña e repostaría impartida por voluntarios de Cáritas.

-Traballo en Rede con Cruz Vermella, Servizos Sociais, ICE Renovación, Dignidade Ribeira, Asociación de Empresarios de Ribeira.

-Formación, roupeiro, atención primaria, banco de alimentos, limpeza, urxencias, prensa e relacións institucionais, relacións externas e terceira idade. Mantemento e uso furgoneta de Cáritas, voluntarios condutores da mesma, (traslado de móbeis a familias, recollida de alimentos en bancos de alimentos, supermercados, mercadiños solidarios, puntos de información, etc).

-Traballo en rede: Servizos Sociais, Cruz Vermella e ICE Renovación.

-Colaboracións: particulares, prensa, empresas (formación, alimentación, pesca, conserveiras, conxelados, supermercados, farmacéuticas), comercio local, institucións, Concello (alcaldía, concellerías), Centro de Saúde de Ribeira, Hospital de Barbanza, asociacións, colexios, clubs deportivos, ximnasios, equipos de fútbol…

-Humanización da atención alimentaria axudando a evitar colas e esperas e a dignificar o acceso aos alimentos con accións como citas previas, ampliación no seu caso das horas de atención e a entrega de cartóns moedeiro.