Unha xornada da OPP 83 pon o foco na necesidade de achegar alternativas viábeis aos combustíbeis fósiles no mar

20 Decembro 2021

As repercusións que tivo, ten e terá a actual escalada de prezos dos combustíbeis fósiles no ámbito marítimo e pesqueiro, unido á problemática ambiental xerada por estes recursos, centraron unha xornadas organizadas este luns 20 de decembro pola Sociedade Cooperativa Galega do Mar Santa Eugenia OPP 83. A actividade celebrouse dende Ribeira e cos diferentes relatores intervindo a través de streaming. Foi moderada pola xerente da cooperativa María José Casáis e contou coa presenza dos representantes das organizacións de produtores pesqueiros de toda España.

O tema central destas xornadas foi a Fiscalidade na pesca: bonificacións ao combustíbel. María José Casáis, xerente da OPP 83, foi a encargada de situar aos asistentes vía streaming na situación actual en relación ao tema central destas xornadas. Clara Aguilera, portavoz socialista da Comisión de Pesca e Deputada do Parlamento Europeo, iniciou estas xornadas co relatorio Situación da negociación no seo da OCM sobre os subsidios pesqueiros. Durante a súa intervención, Aguilera deixou claro que “en Europa está marcado o obxectivo 2055 co obxectivo de conseguir a desaparición dos combustíbeis fósiles”. En relación a esta cuestión lembrou que “nós como comisión de pesca non temos capacidade de xestión directa, co cal queda un amplo recorrido a esta medida”.

No tocante á Conferencia Ministerial, Clara Aguilera adiantou que hai dous posíbeis escenarios a día de hoxe. Por unha banda, o encontro no mes de marzo, que “sería soamente para aprobar o acordado ata agora, non entraría o tema fiscal”. Por outra banda, dixo, “facer cita conferencia no verán e seguir negociando e engadindo temas e asuntos ata ese momento”. Aguilera considera que “debido á situación epidemiolóxica é máis probábel que a conferencia se celebre no verán”.

Aguilera considera que “é importante seguir traballando no sector da innovación e da investigación co fin de poder ir traballando en cambiar modelos produtivos económicos que temos”. E engadiu: “Traballar en que teñamos embarcación que non necesiten combustíbel fósil e teñamos unha alternativa factíbel é o obxectivo principal”.

Aguilera tamén falou doutro asunto de gran relevancia como é a calidade. Neste punto, adiantou que haberá un cambio no etiquetado dos produtos centrado no perfil nutricional do alimento e no perfil de sustentabilidade.

O segundo relator da xornada foi o profesor de Economía Aplicada da USC e membro do Consello Director da Asociación Europea de Economistas Pesqueiros (EAFE), Gonzalo Rodríguez Rodríguez, que falou sobre o Impacto económico da suba dos prezos do gasóleo para a flota pesqueira galega. Rodríguez deixou claro que anular as subvencións ao gasóleo produciría unha redución do esforzo pesqueiro dun 1% nun sistema regulado por TACs e Cotas, “polo que parece que ao que nos temos que ir cara a este regulamento”. Por outro lado indicou que o consumo de combustíbel para a pesca representa un 0,2% do total do consumo marítimo. Foi unha mañá de traballo e de información para os asociados e armadores da OPP 83 e membros tamén doutras OPP a nivel nacional, as que participaron activamente nesta xornada de Fiscalidade na pesca: bonificacións ao combustible.

Dende a Sociedade Cooperativa Galega do Mar Santa Eugenia OPP 83 deron as grazas a todas e todos os que asistiron a esta xornada en streaming desexándolles unhas felices festas e convidándoos as xornadas presencias que terán lugar o vindeiro ano en Ribeira e na que todas e todos os que o desexen serán ben recibidos.

Outros artigos

Publicidade

Revista en papel

Opinión

“El fútbol es algo más” – José Antonio Constenla

“El fútbol es algo más” – José Antonio Constenla

¡Gooool! Ese es el cántico que se ha escuchado prácticamente en todas las calles de España. El “¡Yo soy español, español, español...!” ha retumbado en todos los rincones del país cuando el árbitro señaló el final del partido que nos ha convertido en reyes de Europa. 4...

“España”. Alberto Barciela

“España”. Alberto Barciela

España se hace grande con lo aparentemente sencillo. Entonces deja de ser una Europa periférica que arrambla con esa idea de que el continente termina en los Pirineos, para reivindicarse como la tierra conquistadora, que acobijó a todas lAs culturas, que se embebión...