A Carpa Solidaria de Boiro, emprazada na Boqueira da Negral, vai acoller este martes 28 de decembro o espectáculo Canta, baila, xoga, a cargo de Sarao Produción e Animación.
Comezará ás 19.00 horas e está destinado a público infantil e familiar (nenas e nenos de 3 a 12 anos). Será preciso reservar entradas a través de Boiro.gal.
Como dixemos, o espectáculo virá da man do equipo Sarao Produción e Animación, empresa especializada en eventos cuxos pratos fortes son estimular a creatividade da rapazada a través de todo tipo de obradoiros e, tamén, coas máis espectaculares ruadas e espectáculos teatrais.
