O Concello de Boiro colabora co Club Tribu Trail na celebración do X Trail dos Indios – Castelo de Vitres, que se celebra,este domingo 20 de setembro. O concelleiro de Deportes, Marcos Fajardo, participou na presentación da proba xunto con Xosé María Rodríguez e Víctor López, da organización.
Segundo explicaron, trátase dunha proba deportiva de dificultade técnica alta ao discorrer por sendeiros e zonas rochosas, beiras dos ríos, subidas de dificultade elevada e baixadas técnicas. “Buscamos que todas as probas se desenvolvan na contorna do Castelo de Vitres por se a insignia desta proba polo que a dificultade dos percorridos é elevada”, afirmaron dende a organización.
A proba consta de tres percorridos con distancias de 26, 16 e 9 quilómetros para as distintas categorías; ademais de carreiras para nenos e nenas de 2,5 e 1,2 quilómetros; forma parte do Campionato de Clubs e Copa da Xunta de Galicia e será puntuable.
O concelleiro de Deportes afirmou que se trata “dunha proba xa consolidada no noso concello, esixente pero que discorre por un sito idílico como é a nosa serra do Barbanza”.
