O Nadal en Dodro colle impulso coa visita aos colexios do Apalpador

22 Decembro 2021

Este martes 21 de decembro as escolas integradas no CRA de Dodro (Bexo, Vigo, Laíño e Lestrobe) recibiron unha visita moi especial: a visita do Apalpador, acabado de chegar das montañas do Courel e (agora) de xira polos nosos concellos levando ilusión ás crianzas (e tamén ás nais e aos pais) neste tempo de adversidade COVID.

O Apalpador, que foi convidado ás escolas de Dodro por iniciativa da Concellería de Cultura e Patrimonio, agasallou á rapazada con contos e presentes de Nadal. A maiores, desexóuselles un bo Nadal e unhas felices vacacións.

A axenda de actividades festivas de Dodro prosegue estes 22 e 23 de decembro, coa celebración dunhas xornadas deportivas para nenas e nenos de 7 a 15 anos. Desenvolveranse entre as 11.00 e as 13.00 horas, no Polideportivo Municipal.

O 23 de decembro, pola tarde, ás 17. 30 horas, tamén no polideportivo celebrarase o Festival Dodro Nadal. No marco desta actividade a rapazada e as súas familias poderán desfrutar unha xornada lúdico-festiva con inchábeis, música e coa visita de Papá Noel.

Entre o 27 e o 30 de decembro, entre as 10.00 e as 13.00 horas, na Casa da Cultura terá lugar o Concilia Nadal. Trátase dunha oferta de actividades lúdico educativas para nenas/os de 4 a 9 anos, dirixidas a facilitar a conciliación dos tempos de traballo e crianza das familias durante as vacacións escolares de Nadal.

Xa por último, pecharase este ciclo o día 5 de xaneiro de 2022 coa recepción dos Reis Magos, ás 17.00 horas, no polideportivo municipal, onde o público desfrutará a visita das Súas Maxestades de Oriente con animación musical, malabares, globoflexia, chocolate con churros, agasallos e lambetadas.

O desenvolvemento destas actuacións estará suxeito á normativa anti-COVID vixente. Para máis información poden dirixirse ao departamento de Cultura do Concello de Dodro: 981 80 24 72.

Outros artigos

Carlos Núñez regresa este mércores 24 de xullo ao Pazo de Goiáns

Logo do éxito acadado en 2023 no Pazo de Goiáns (Boiro), o noso gaiteiro Carlos Núñez volve este verán ao histórico edificio de Boiro e faino no marco da súa xira Lugares Máxicos 2024 co seu traballo Celtic Sea. O concerto é este mércores 24 de xullo ás 20.00 horas....

+

Homenaxe a Méndez Ferrín na Festa da Palabra na insua dos poetas 

O director xeral de Cultura destaca na celebración no Carballiño a “gran demostración da nosa riqueza cultural e literaria que supón este acto, cun valor engadido como é a contorna natural” O director xeral de Cultura, Anxo M. Lorenzo destacou hoxe na décimo sexta...

+

Publicidade

Revista en papel

Opinión

“Vergüenza o sinvergüenza”. José Antonio Constenla

“Vergüenza o sinvergüenza”. José Antonio Constenla

Desvergonzado es aquel “que habla u obra con desvergüenza”, y también elque “no muestra vergüenza por cometer acciones que se reputan inmorales”. Yvergüenza es la “turbación del ánimo ocasionada por la conciencia de algunafalta cometida, o por alguna acción deshonrosa...

“Para desfrutar dela”. Luís Celeiro

“Para desfrutar dela”. Luís Celeiro

As festas de verán en Galicia son ledicia, festa, música e baile, verbena e fartura. Pola mañáé outra cousa, os traballadores teñen que respectar o horario e andar dereitiños cara aolugar do traballo. Ou cara ao ordenador que espera coa lámpada acendida e co disco...