O Concello de Boiro debaterá en pleno o texto da nova ordenanza de medio ambiente e xestión de residuos

20 Decembro 2021

O Concello de Boiro debaterá na sesión plenaria do vindeiro mércores 22 de decembro a aprobación inicial da nova ordenanza de Medio Ambiente. O texto pretende modificar á anterior ordenanza, do ano 1994, e que se complementou no ano 2015 coa de convivencia adaptando a xestión municipal á normativa europea, nacional e galega.

O Concello explica que “dende o ano 2018 véñense aprobando diferentes directivas europeas, así como a recente normativa galega e estatal de residuos, polo que a ordenanza de medio ambiente coa que contaba o Concello de Boiro quedou obsoleta”. Por este motivo, foi preciso levar a cabo unha actualización completa do que nela se recollía para adaptala á normativa actual.

“Esta ordenanza é un texto futuro e garantista co que se pretende normalizar e ordenar a xestión municipal, especialmente en materia de residuos”, afirma o concelleiro de Medio Ambiente, Raúl Treus. O texto establece cousas como a separación e recollida selectiva de lixo en festexos e eventos públicos ou sancións para evitar” a problemática dos enseres depositados na rúa ou o lixo fora dos contedores”, engade.

A nova ordenanza contempla xa a incorporación das tres novas fraccións de residuos que, a partir de decembro do 2023 e 2024, deben xestionar as administracións locais e que son orgánicos, aceites e téxtil. Recolle tamén o compromiso do Concello coa compostaxe, que xa se está poñendo en práctica nas vivendas unifamiliares e se quere implantar tamén de xeito comunitario, e os puntos limpos móbiles para fomentar a recollida selectiva en todos os núcleos de poboación.

O texto supón tamén unha garantía do compromiso do Concello de Boiro para realizar unha recollida selectiva e efectiva dos residuos no municipio, así como pola promoción da concienciación e educación ambiental na veciñanza.

Outros artigos

Publicidade

Revista en papel

Opinión

“El fútbol es algo más” – José Antonio Constenla

“El fútbol es algo más” – José Antonio Constenla

¡Gooool! Ese es el cántico que se ha escuchado prácticamente en todas las calles de España. El “¡Yo soy español, español, español...!” ha retumbado en todos los rincones del país cuando el árbitro señaló el final del partido que nos ha convertido en reyes de Europa. 4...

“España”. Alberto Barciela

“España”. Alberto Barciela

España se hace grande con lo aparentemente sencillo. Entonces deja de ser una Europa periférica que arrambla con esa idea de que el continente termina en los Pirineos, para reivindicarse como la tierra conquistadora, que acobijó a todas lAs culturas, que se embebión...