O Club Baloncesto Noia pecha o ano sexto

29 Decembro 2021

No últimos tres anos, o primeiro equipo do Club Baloncesto Noia tivo tres planteis diferentes, onde cambiaban o 90 % dos xogadores. O que isto conleva é que cada ano o clube se vise obrigado a facer un novo proxecto. Ante esta problemáitca, o Berberecho Noia decidiu apostar por xente moza co obxectivo de manter a estrutura durante varios anos e así poder loitar polo ascenso. A maioría dos rapaces teñen entre os 18 e os 20 anos, algo que tamén pode chegar a perxudicar en certas fases da tempada.
Ata o de agora o certo é que os resultados non son os esperados, aínda que o obxectivo esta campaña é a permanencia, os noieses queren máis. Logo de 10 xornadas, o Club Baloncesto Noia marcha sexto na táboa clasificatoria, con tres triunfos, fronte ao Sigaltec, Xuventude Cambados e a última fronte ao Seis do Nadal, un dos aspirantes a todo. Na gran maioría dos encontros competiron ata o final, pero os nervios dos últimos minutos
condenaron en múltiples ocasións aos pupilos de Jesu Souto.
Agora quedan 4 xornadas para rematar a primeira fase regular e, aínda que está complicado, o Club Baloncesto Noia non renuncia a nada, e loitará por sacar o máximo de triunfos posibles co fin de acadar un posto que lle permita afrontar a segunda fase con moita máis tranquilidade.

Outros artigos

A XI Regata Caiac de Mar do Concello de Rianxo celebrarase o 2 de marzo

Xa temos data para XI Regata Caiac de Mar Concello de Rianxo, logo de que o mal tempo do 10 de febreiro, data inicial obrigase a adiar a celebración. Finalmente optouse polo sábado 2 de marzo. Será a partir das 10.00 horas no porto de Rianxo. As saídas están fixadas...

+

Publicidade

Revista en papel

Opinión

“Inseguridade social” – José Manuel Pena

“Inseguridade social” – José Manuel Pena

A Fundación Europea para a Mellora das Condicións de Vida e de Traballo da UE (Eurofound) sinala que “os sentimentos de inseguridade en varios aspectos da vida da poboación europea están estendidos, mesmo entre as persoas que están materialmente acomodadas. Os...