O BNG solicítalle a Sanidade prazos concretos e orzamentos para ampliar o Hospital da Barbanza

15 Decembro 2021

A deputada nacionalista Rosana Pérez Fernández rexistrou unha iniciativa no Parlamento galego para esixir ao Goberno autonómico a determinación dos prazos e das partidas orzamentarias concretas para ampliar o Hospital da Barbanza, un proxecto que “é unha vella demanda do BNG” e que foi confirmado polo presidente Feijóo en outubro de 2020, cando sinalou que o número de camas do centro ampliaríase en 22. Amais en xullo este mesmo ano o propio conselleiro de Sanidade, Julio García Comesaña, fixo saber que finalmente optaríase por 36 novas prazas: 12 camas para unha nova unidade para hospitalización materno-infantil e 24 destinadas a pacientes de medicina interna e paliativos.

Con respecto á consignación de cartos para a realización da obra de ampliación, Pérez Fernández explicou que “nos orzamentos da Xunta para o ano 2021 contemplábanse 589.248 euros, que non se executaron e por iso volven consignar a mesma cantidade no proxecto de orzamentos para o 2022”. En todo caso, engadiu, “esa contía non sería suficiente para poder realizar o proxecto e comezar as obras tendo en conta que a futura ampliación debe pasar aínda por varias fases”.

Pérez Fernández critica a política de publicidade e propaganda da Xunta pois “a piques de rematar temos moitos anuncios pero ningún feito que supoña a mellora desta infraestrutura sanitaria tan básica para a comarca”. Por esta razón, o BNG demanda que o Goberno galego “deixe de facer anuncios e se poña a traballar para acelerar os trámites que permitan que poboación da Barbanza vexa melloradas as súas instalacións e prestacións sanitarias”.

Outros artigos

Publicidade

Revista en papel

Opinión

“El fútbol es algo más” – José Antonio Constenla

“El fútbol es algo más” – José Antonio Constenla

¡Gooool! Ese es el cántico que se ha escuchado prácticamente en todas las calles de España. El “¡Yo soy español, español, español...!” ha retumbado en todos los rincones del país cuando el árbitro señaló el final del partido que nos ha convertido en reyes de Europa. 4...

“España”. Alberto Barciela

“España”. Alberto Barciela

España se hace grande con lo aparentemente sencillo. Entonces deja de ser una Europa periférica que arrambla con esa idea de que el continente termina en los Pirineos, para reivindicarse como la tierra conquistadora, que acobijó a todas lAs culturas, que se embebión...