A Concellería de Igualdade de Dodro, co obxectivo de aproveitar o potencial comunicativo e creativo destas sinaladas celebracións do remate do ano, convocou a primeira edición do Concurso de Postais dun Nadal en Igualdade.
Fíxoo baixo o epígrafe Xogar sen límites, o que fala ás claras da finalidade do certame: botar abaixo todo tipo de falsas crenzas, ideas preconcibidas, tópicos e estereotipos en cuestión de xénero.
Está dirixido ás crianzas de entre 3 e 12 anos. O Concello convida ás nenas e nenos participantes a mostrar mediante un debuxo o que significa para elas e eles xogar en igualdade e libres de prexuízos.
