A Dirección Xeral da Costa e o Mar adxudicou a redacción do proxecto de demolición do colexio de Portosín. Tres foron as propostas presentadas e a encargada de elaborar o plan será Proyfe.
Pola sua banda o Concello comunicou que o plan especial para construír o novo centro educativo no emprazamento seleccionado pola Administración local xa conta coa aprobación.
Os terreos onde irá o novo colexio pertencen a oito propietarios, cos que xa se mantiveron contactos. O rexedor Luís Oujo recalcou que o traslado do colexio de Portosín é unha vella aspiración pola que o executivo leva tempo pelexando.
O alcalde salientou o compromiso de Xunta e Costas, unido ao do propio Concello, para facer realidade a construción dun novo centro formativo, así como a rexeneración da zona de Coira. O rexedor subliñou que o propósito é que todos estes proxectos poidan materializarse con moita brevidade.
