A Xunta somete a información pública a inclusión de dúas árbores do Pazo Goiáns no Catálogo de Senlleiras

23 Decembro 2021

A Xunta someterá a información pública a posíbel inclusión no Catálogo de Árbores Senlleiras de Galicia dun eucalipto azul no concello de Poio e dunha maceira de sebes e unha sobreira en Boiro.

O Catálogo Galego de Árbores Senlleiras é unha ferramenta aberta que aspira a acubillar os exemplares arbóreos da nosa terra máis sobranceiros, tanto dende o punto de vista ambiental e paisaxístico como histórico. Pola súa natureza en constante actualización está aberto á inclusión de elementos novos por parte de propietarios, administracións, centros de investigación, asociacións e aquelas entidades privadas ou públicas que teñan entre os seus fins estatutarios a protección da natureza.

Este venres 24 publicarase no Diario Oficial de Galicia o anuncio polo que se inicia este proceso de valoración para determinar se os tres exemplares propostos teñen unhas características excepcionais que os fagan merecedores dunha protección especial.

A maceira das sebes do Pazo de Goiáns

Ademais de estudar as solicitudes presentadas, os técnicos da Dirección Xeral de Patrimonio Natural farán as visitas e comprobacións necesarias para determinar que as características singulares relativas ao seu perímetro, o porte ou a especie á que pertencen, xustifican a suma destes exemplares á listaxe de árbores senlleiras.

No caso do eucalipto azul (Eucalyptus globulus), a solicitude presentada por un particular de Poio está baseada na peculiaridade do seu perímetro que, segundo a documentación remitida á Consellería, é de 3,50 metros.

Pola súa banda, o Concello de Boiro remitiu unha solicitude para a inclusión no Catálogo dunha maceira de sebes (Maclura pomifera), cuxa singularidade se basea na rareza desta especie, que mide 13,5 metros de altura e ten un perímetro de 1,8 metros; e para unha sobreira (Quercus suber), que se incluiría tendo en conta o porte do exemplar, 18 metros de altura e un perímetro de case 3,8 metros. Os dous exemplares están localizados no Pazo de Goiáns.

Na actualidade, o Catálogo galego está formado por un total de 181 elementos —143 árbores e 38 formacións— pertencentes a 80 especies diferentes.

A sobreira do concello de Boiro

Outros artigos

Publicidade

Revista en papel

Opinión

“El fútbol es algo más” – José Antonio Constenla

“El fútbol es algo más” – José Antonio Constenla

¡Gooool! Ese es el cántico que se ha escuchado prácticamente en todas las calles de España. El “¡Yo soy español, español, español...!” ha retumbado en todos los rincones del país cuando el árbitro señaló el final del partido que nos ha convertido en reyes de Europa. 4...

“España”. Alberto Barciela

“España”. Alberto Barciela

España se hace grande con lo aparentemente sencillo. Entonces deja de ser una Europa periférica que arrambla con esa idea de que el continente termina en los Pirineos, para reivindicarse como la tierra conquistadora, que acobijó a todas lAs culturas, que se embebión...