A tempada de pesca fluvial en 2022 comezará o 20 de marzo e concluirá a finais de xullo

A tempada de pesca fluvial en Galicia para o ano 2022 botará a andar o próximo 20 de marzo e concluirá o 31 de xullo, con carácter xeral, aínda que haberá excepcións en función de modalidades e augas.
As datas foron acordadas este venres durante a reunión do Consello Galego de Pesca Continental . A tempada de pesca de troita abrirá o 20 de marzo ata o 31 de xullo, con excepcións das masas de auga salmoneras e as de montaña, que comezarán o 1 de maio.

No caso dos cotos de pesca intensiva e nos tramos de pesca sen morte, poderase pescar ata o 30 de setembro; mentres que naqueles con convenio, prolongarase ata esta mesma data na modalidade de pesca sen morte.

Para o salmón, os pescadores poderán desenvolver a súa actividade entre o 1 de maio e 31 de xullo con cotas de captura “similares ás do ano pasado” nas provincias da Coruña, Lugo e Ourense, resalta a Xunta nun comunicado.

Así, no río Mandeo establécese un máximo de cinco exemplares; nos ríos Masma e Salmeán (Lugo), de 15 e dez exemplares, respectivamente; mentres que no Miño (Ourense), o límite será de oito salmóns. En Pontevedra, o máximo será de 30 no Ulla e ningno no Lérez, que permanecerá vedado.