A aula CeMIT de Ribeira achega no Nadal dúas actividades formativas para a rapazada

Este Nadal celebraranse na aula CeMIT de Ribeira, o centro de divulgación, capacitación e dinamización tecnolóxica do Concello, dous cursos gratuítos de informática dirixidos aos máis pequenos, ambos do 27 de decembro ao 5 de xaneiro.

Así, haberá unha primeira acción formativa para nenos e nenas de entre 7 a 10 anos (de 10 a 13 horas) titulada Iníciate na informática, na que o alumnado aprenderá a escribir, debuxar, animar fotos e navegar por Internet.

E pensando nos rapaces de 11 a 15 anos (de 12 a 13.30 horas) terá lugar unha segunda acción sobre Edición de imaxe, onde aprenderase a retocar fotografías e montar un álbum.

Cómpre formalizar as inscricións vía web no espazo en liña da aula CeMIT.