A ARE celebra o Nadal ao grande: con sorteos, agasallos e solidariedade

15 Decembro 2021

A Campaña de Nadal impulsada pola ARE (Asociación Rianxeira de Empresarios) vén este ano con dúas vertentes que se complementan e que amplifican o radio de acción da campaña. Por un lado está a vertente online, que deu comezo este 15 de decembro e que culmina o día 9 de xaneiro cun sorteo. Por outra banda está a campaña física, que inclúe o reparto de vales para xogar na ruleta e que comeza o venres 17 de decembro.

Segundo fan saber fontes da ARE, a campaña deste ano vén cunha manchea de novidades.

En primeiro lugar, a asociación participará nunha campaña online organizada pola Federación de Comercio Rías Baixas na que está federada a ARE. Esta iniciativa consistirá no sorteo de premios entre as persoas que rexistren os seus tíckets e facturas de gastos na web da Federación. O rexistro facilitarase ao máximo, xa que os establecementos asociados disporán dun cartel cun código QR que guiará aos interesados hasta a web do sorteo. Sortearanse 12 vales de compra de 50 € para gastar nos establecementos participantes.

Polo que respecta á campaña física, terá dúas partes diferenciadas: un xogo de ruleta con premios directos e un sorteo final de 10 vales de compra de 50 €. Os socios participantes disporán de “vales por unha tirada na ruleta” para repartir entre os clientes. Estes vales serán numerados e permitiranlles aos seus posuidores dúas cousas:

-Probar sorte na ruleta e ganar algún dos premios directos que agasallará a ARE (paraugas, bolsas, mochilas, botellas, lambonadas…).

-Participar no sorteo final de 10 vales de compra. As persoas que non teñan sorte na ruleta e non gañen ningún premio e aquelas que non queiran, ou non poidan, participar no xogo da ruleta, conservarán o seu vale para participar no sorteo final.

Árbores de Nadal

Para a decoración de Nadal desde a ARE apostan este ano pola reciclaxe e o deseño galego da empresa Arlit, con sede en Silleda. Así, os socios que o desexen poderán dispor dunha destas árbores para usar como adobío nos seus escaparates ou no interior dos negocios. As árbores, de doada montaxe e desmontaxe, poderán gardarse rematado o Nadal e utilizarse en vindeiros anos.

Videochamadas Reis Magos

A ARE repetirá a actividade de videochamadas dos Reis Magos. Farao en colaboración co Concello.

Cabalgata de Reis

A ARE volverá colaborar na Cabalgata de Reis que este ano volverase realizar de xeito itinerante polo Concello.

Recollida benéfica Cáritas Rianxo

Recollida de alimentos, roupa e xoguetes, impulsada pola patronal rianxeira, en colaboración co Concello e a Piscina Municipal (Beone).

Outros artigos

“Cuando los socios no apoyan al Gobierno”. Arturo Maneiro

Cuando las materias que pretende conseguir o las normas quequiere aprobar no les favorece de forma clara -no sacan nada enlimpio, no hay más poder o más dinero-, los socios de investidurade Sánchez no lo apoyan; entonces, leña al PP.En estos casos, los ministros y...

+

Publicidade

Revista en papel

Opinión

“Unha de ameixa roubada”. Antón Luaces

“Unha de ameixa roubada”. Antón Luaces

Está visto: seis mil euros non é o valor real da cría de ameixa roubada aos mariscadores do pósito de San Antonio, en Cambados, porque a ameixa substraída da batea de preengorde podería multiplicarse por tres ou catro en base ao resultado dos plans de semente que...

“Los menores inmigrantes”. José Castro López

“Los menores inmigrantes”. José Castro López

La inmigración es responsabilidad del Gobierno, pero su única política conocida fue lasobreactuación que montó en Valencia en 2018 para recibir al Aquarius. Desde aquel“golpe de efecto” no se conocen medidas gubernamentales razonables para enfrentarse aeste...