Os socialistas esixen máis compromiso da Xunta coa ría de Arousa

16 Novembro 2021

O deputado arousán Julio Torado criticou este 16 de novembro a xestión da Xunta en relación á ría de Arousa e a defensa dos intereses das entidades que traballan na súa explotación e conservación: as confrarías. Na súa opinión, o Goberno galego “condena ás confrarías a xestionar as migallas”. Fixo estas declaracións na Comisión de Pesca e Marisqueo do Parlamento, a través dunha pregunta oral neste sentido ao Goberno galego.

O voceiro de Marisqueo do Grupo Socialista urxiu á Xunta “a clarexar o seu modelo de xestión das rías cando cada vez estas producen menos”. E engadiu: “Antes había un ano malo entre varios bos, agora hai un ano bo entre varios malos”, lamentou ao sinalar a perda de capacidade produtiva e baixada de rendemento do sector dos últimos anos.

Estas circunstancias, apuntou, débense principalmente a dous “problemas” que o sector leva varios anos denunciando como “o dragado dos lombos e a falla de depuración das augas, temas nos que o sector vén desgañitándose ante a Xunta ao tempo que perde toda esperanza de colaboración por parte da administración competente”, sinalou, engadindo que “se non se inviste na ría, non vai haber modelo que resulte porque non é unha cuestión só do modelo”.

E engadiu: “Se a Xunta quere coxestionar as rías, ten que ser aportando solucións” porque, sinalou, “agora o que están facendo é provocar un conflito entre confrarías como xa aconteceu con outros colectivos onde a Xunta optou por ser observadora como cos percebeiros ou os mexilloneiros”.

Outros artigos

Publicidade

Revista en papel

Opinión

“España”. Alberto Barciela

“España”. Alberto Barciela

España se hace grande con lo aparentemente sencillo. Entonces deja de ser una Europa periférica que arrambla con esa idea de que el continente termina en los Pirineos, para reivindicarse como la tierra conquistadora, que acobijó a todas lAs culturas, que se embebión...

“Cuando los socios no apoyan al Gobierno”. Arturo Maneiro

“Cuando los socios no apoyan al Gobierno”. Arturo Maneiro

Cuando las materias que pretende conseguir o las normas quequiere aprobar no les favorece de forma clara -no sacan nada enlimpio, no hay más poder o más dinero-, los socios de investidurade Sánchez no lo apoyan; entonces, leña al PP.En estos casos, los ministros y...