Cando a sorte non está do teu lado faise notar, e iso é o que lle está a pasar ao Noia na Terceira División. De novo despois de realizar un meritorio encontro contra o Vilalbés, voltaron a caer 3-1.
Comezaron con moito respeto ambos equipos, aínda que a medida que pasaban os minutos as ocasións de perigo foron chegando. A piques de chegar á primeira media hora un balón que cazaba Fernando Cuadrado adiantaba aos lucenses poñendo o 1-0 co que se chegaría ao descanso.
Saíron mellor na segunda metade os locais que viron como podían deixar medio sentenciado o encontro. Así, no minuto 55 e logo dunha ocasión clara de Pedrosa, Javi Rey ampliou distancias despois dunha gran carreira de José Varela. Non se rendiu o Noia, que mellorou cos cambios. E logo dun erro da defensa local, Ferreiro aproveitaría ese despiste para apretar o marcador de cara aos minutos finais. Desde ese momento os noieses puxeron toda a carne no asador co obxectivo de irse con 3 puntos de Vilalba, aínda que con máis corazón que cabeza.
No tempo engadido, e con case todo o Noia en campo rival á desesperada, un contragolpe perfectamente trenzado serviu para que Vela sentenciara o encontro.
Con este resultado os noieses sitúanse na deimocuarta posición con 12 puntos a tan só un da permanencia.
