O grupo teatral de Ambar leva a Noia, este venres, As paisaxes de Camille

O Grupo de Artes Escénicas da Asociación Ambar leva esta semana a Noia (o venres 12 no Coliseo Noela a partir das 20.30 horas) o seu proxecto teatral As paisaxes de Camille, unha iniciativa para loitar, dende a creatividade, o talento e a reivindicación, contra a violencia de xénero no ámbito rural en calquera das súas manifestacións.

En concreto As paisaxes de Camille busca apoderar ás mulleres con diversidade funcional a través da expresión artística, explorando a contención, a rabia, a delicadeza e a sororidade, atravesando a imaxinaría escultórica e a vida da escultora francesa Camille Claudel.

A peza está producida por Ambar, conta coa dirección artística da creadora escénica Helena Salgueiro da plataforma ABAR e cun elenco composto integramente por mulleres con diversidade funcional: Noelia Argibay, Ángeles Devesa, Marina Mondelo, Conchita Mouriño, Carmen Pérez, Olaia Pérez, Montse Queiruga e Mercedes Río.

Esta acción enmarcase no Pacto do Estado contra a violencia de xénero e está financiada pola Axencia Galega de Desenvolvemento Rural.

Para máis información sobre o proxecto cómpre visitar a web de Ambar, no apartado específico sobre o mesmo. As integrantes da asociación tamén subiron ao Youtube un vídeo de presentación.

Cronograma da cita deste venres

20:00h Representación da performance As paisaxes de Camille
20:30h Proxectarase un vídeo co proceso de traballo e a conceptualización da peza representada e desenvolverase unha pequena charla.
21:00h Peche