O Elma da Pobra vivirá unha tarde de cinema coas curtas do CAD recoñecidas no festival OUFF de Ourense

23 Novembro 2021

O Teatro Cine Elma da Pobra vai acoller este sábado 27 a gala de presentación das curtas realizadas polas persoas usuarias do servizo ocupacional do CAD local (Centro de Atención á Discapacidade). Será ás 19.00 horas na antiga sala de cinema da Pobra.

Segundo apuntou a directora do centro, Julia Rial, estas son as curtas coas cales as e os usuarios do mesmo competiron no certame audiovisual OUFF Escola de Ourense xunto con outros corenta e cinco colexios e asociacións de toda Galicia, tralo cal acadaron a mención especial pola calidade das propostas achegadas. Salientou tamén o” labor concienciador e pedagóxico destes filmes”.

As pezas audiovisuais que se van proxectar son Prisión tecnolóxica, que reflicte o uso abusivo do teléfono móbil e das novas tecnoloxías; Cóntoche un conto, unha proposta con formato stop motion que traslada a problemática dos incendios forestais narrando a vida dun carballo ao longo das catro estacións, dende o outono deica o verán; e No mar da diversidade, un vídeo musical creado polos rapaces e rapazas, coa letra incluída.

Así mesmo, a xornada contará coa performance de sombras O noso sentimento, na cal, tal e como sinalou a animadora sociocultural, Saray Pazos, o grupo de teatro do CAD representará sobre as táboas o que sentiron durante a pandemia.

Pola súa parte, a concelleira dos Servizos Sociais, Amparo Cerecedo (BNG), puxo en valor o equipo do CAD e agradeceu a súa implicación no proxecto.

As persoas que desexen asistir deben confirmar a súa asistencia a través do teléfono de contacto 981832764, marcando a extensión 2502, ou facelo in situ no propio día do evento ata completar a cabida.

Outros artigos

Fallados os galardoados do XV Premio Internacional de Gravado Atlante

Participan no fallo do xurado, 260 obras de 175 participantes a nivel internacional, procedentes de países como Alemania, Arxentina, Brasil, Chile, España, Estados Unidos, Puerto Rico, Uruguay, México, Perú,Cuba, Francia, Rusia, Canadá, Italia, Portugal, Tailandia,...

+

Publicidade

Revista en papel

Opinión

“España”. Alberto Barciela

“España”. Alberto Barciela

España se hace grande con lo aparentemente sencillo. Entonces deja de ser una Europa periférica que arrambla con esa idea de que el continente termina en los Pirineos, para reivindicarse como la tierra conquistadora, que acobijó a todas lAs culturas, que se embebión...

“Cuando los socios no apoyan al Gobierno”. Arturo Maneiro

“Cuando los socios no apoyan al Gobierno”. Arturo Maneiro

Cuando las materias que pretende conseguir o las normas quequiere aprobar no les favorece de forma clara -no sacan nada enlimpio, no hay más poder o más dinero-, los socios de investidurade Sánchez no lo apoyan; entonces, leña al PP.En estos casos, los ministros y...