O BNG chama a unha concentración en protesta pola execución das obras en Ponte Nafonso


O BNG da comarca de Muros e Noia vén de convocar a unha concentración veciñal que terá lugar nas inmediacións da Ponte Nafonso (na parte de Outes) este domingo 21 ás 13:00 horas en protesta ante a continuidade das obras de rehabilitación que na realidade son un atentado patrimonial e unha degradación da ponte histórica. O BNG denuncia que no desenvolvemento deste proxecto prevaleceron os intereses de Telefónica antes que o respecto á ponte e á
veciñanza, así como a negativa a escoitar as diferentes iniciativas en diferentes vías que o BNG ten feito para
que se levasen a cabo cambios no planeamento da obra.