Este 26 de novembro, venres, a rapazada e as familias de Boiro teñan un cita creativa de primeira con Güela-Güela, a cargo de Galitoon. A cita será ás 20.00 horas na Casa da Cultura de Boiro. As entradas estarán dispoñíbeis no propio día da función a partir das 18.00 horas.
Trátase dun espectáculo baseada na obra Concerto de aves de Frans Snyders, a solicitude do Museo Nacional do Prado e no marco das actividades dirixidas a público familiar e infantil que visita o museo.
O argumento ponnos na pel dunha pequena cegoña chamada Güily, un paxariño que decidiu que xa era maior para levar nas costas un fardo cun bebé aos seus papás, e incorporarse a unha das bandadas de reparto. Pero ao ter o pico miúdo, as asas pequenas e, sobre todo, por ser aínda pequeno e non poder seguir o ritmo do voo, a negativa da comunidade das cegoñas foi unánime. Aínda que un día, sen saber moi ben como, as Cegoñas adultas esquecéronse un envurullo cun bebé moi peculiar…
