Unha semana máis tarde do esperado chegará o I Torneo Halloween de Golf organizado polo Barbanza Pitch & Putt. Este venres 12 de novembro arrancará a competición para os máis pequenos, e o sábado 13 de novembro comezará a categoría absoluta. A proba consistirá nun percorrido curto en parellas Fourball, e será obrigatoria participar con disfraz.
O venres os máis pequenos comezarán a partir das 16:30 horas e os adultos farano o sábado a partir das 11 da mañá. Haberá premios para o 1 e 2º Scractch, 1º e 2º Hándicap e un premio especial para hándicaps +36.
A entrega de premios será o sábado 13 ás 19 horas, cunha posterior festa de disfraces, con DJ Matrek, e sorteos, Ademais premiarase ao mellor disfrace individual e por parellas. As inscricións para os socios na categoría nenos é de 10 euros, e para os non socios de 15. Na categoría absoluta os socios pagarán 15 e os non socios 22 euros. As inscricións están abertas ata hoxe xoves 11 de novembro.
