O Concello de Porto do Son lanzou unha nova entrega da súa iniciativa para acadar unhas festas de remate do ano o máis inclusivas, sustentábeis, xenerosas e integradoras posíbeis. A campaña Nadal Máxico, Nadal Solidario púxose en marcha este 22 de novembro co obxectivo concreto de “botar unha man a Papá Noel e aos Reis Magos”, sendo a finalidade última que ningunha nena e neno fique estas festas sen o seu agasallo. A campaña estará aberto até o 10 decembro.
A cidadanía de Porto do Son poderá botar unha man en horario de 17.00h a 19.00 horas, achegando as súas doazóns (xogos, xoguetes e outros artigos) na Ludoteca Municipal. Para máis información, cómpre poñerse en contacto cos responsábeis da iniciativa a través da conta de correo omix@portodoson.gal ou do teléfono 698 197 909.
