Amicos opta a un premio europeo polo seu labor a prol do medio ambiente e a integración social

15 Novembro 2021

A Asociación Amicos vén de ser nomeada, polo seu imporante labor a prol do medio ambiente e a integración de persoas con diversidades funcionais ou cognitivas, aos premios European

Social Services Awards. Máis concretamente, concorre na categoría de Innovación e Servizos Sociais polo seu proxecto Herdanza Mater.

Esta iniciativa conxuga o coidado da natureza e a discapacidade, a través de actividades nas que os principais protagonistas “exercen o liderado como guías ambientais”, explican dende a asociación, engadindo que o proxecto pon en foco en áreas de alto valor patrimonial como parques naturais. Nestas contornas, a brigada de Amicos desenvolve labores de reforestación de especies autóctonas, erradicación de especies invasoras, habilitación de zonas adaptadas para flora e faunas autóctonas, ou restauración do patrimonio.

Fontes de Amicos salientan que as actividades incluídas en Herdanza Mater van dirixidas a fomentar “o voluntariado, a sensibilización medioambiental e o cambio de rol da discapacidade intelectual, pasando de pasivo a activo e asumindo a dirección das distintas accións”.

A entrega de premios será o 3 de decembro en Bruxelas grazas á European Social Network (ESN), organización formada por 140 entidades públicas de 35 países relacionadas coa xestión e o fornecemento de servizos sociais. A votación estará aberta en formato en liña ata o venres, 19 de novembro, na páxina de ESSA, onde só teremos que facer un simple rexistro (achegando o noso nome, o correo electrónico e un contrasinal) para que o noso voto fique gardado de maneira correcta. Esta votación online popular suporá o 35% do resultado final. O 65% restante será decisión da puntuación do xurado que realizou a preselección dos nomeados aos premios.

Outros artigos

Publicidade

Revista en papel

Opinión

“Unha de ameixa roubada”. Antón Luaces

“Unha de ameixa roubada”. Antón Luaces

Está visto: seis mil euros non é o valor real da cría de ameixa roubada aos mariscadores do pósito de San Antonio, en Cambados, porque a ameixa substraída da batea de preengorde podería multiplicarse por tres ou catro en base ao resultado dos plans de semente que...

“Los menores inmigrantes”. José Castro López

“Los menores inmigrantes”. José Castro López

La inmigración es responsabilidad del Gobierno, pero su única política conocida fue lasobreactuación que montó en Valencia en 2018 para recibir al Aquarius. Desde aquel“golpe de efecto” no se conocen medidas gubernamentales razonables para enfrentarse aeste...