A rapazada do lousamiá CPI Cernadas de Castro reparte “Igualdina”, entre a veciñanza un composto para acabar coa violencia machista

25 Novembro 2021

A praza Teodomiro Hidalgo de Portobravo acolleu este mediodía o acto central de conmemoración do Día Internacional contra a Violencia contra a Muller, organizado polo Concello de Lousame e que reuniu a case un cento de veciños e veciñas.
Entre os asistentes estaban 22 rapaces e rapazas do CPI Cernadas de Castro que, encabezados pola directora do centro Pilar Cobas, presentaron e repartiron un suposto medicamento contra a violencia, chamado “Igualdina”, entre as persoas asistentes.
A alcaldesa de Lousame, Teresa Villaverde, foi a encargada de ler o manifesto institucional contra a violencia de xénero na que lembrou ás 37 mulleres asasinadas este ano “polo simple feito de seren mulleres, asasinadas pola expresión máis extrema e brutal do patriarcado”.
Villaverde Pais tamén tivo palabras de lembranza para “os 4 menores asasinados na forma máis terrible da violencia vicaria e aso 24 nenos orfos pola violencia machista”.
A alcaldesa lousamiá dirixiuse especialmente ás mulleres, a quen instou a denunciar calquera tipo de agresión: “traballamos para manter e aumentar os recursos para combater a violencia de xénero. Cremos no respecto e na igualdade. Rexeitamos todo tipo de violencia. Queremos que as vítimas da violencia machista sintan o noso apoio e denunciamos estes feitos para que non queden no ámbito do privado”. Finalmente, Teresa Villaverde tivo palabras para as persoas máis novas, “a quen temos a obriga de transmitirlles o respecto á igualade entre mulleres e homes, entre persoas, defendendo unha sociedade xusta e igualitaria para todos e todas”.
Reparto de “Igualdina Forte 500”
Precisamente, a rapazada do CPI Cernadas de Castro presentou aos veciños e veciñas presentes un novo medicamento, denominado “Igualdina Forte 500” que, segundo explicaron “é un composto ideolóxico especificamente elaborado para acabar coa violencia machista. Cada comprimido contén: 500 mg de igualdade, 0 mg de discriminación e 0 mg de violencia contra as mulleres”.
Segundo a rapazada, “recoméndase o seu uso excesivo” xa que produce “alivio sintomático das sensacións de superioridade dalgúns homes sobre as mulleres. Tamén tende a eliminar a idea de que existe un dereito non escrito de control dos homes sobre as mulleres”. Un produto especialmente recomendado para “pacientes con falta de conciencia e de tolerancia.
Pacientes que xa foran causantes dalgún episodio de malos tratos e non se sintan culpables do dano feito. Pacientes con alerxia ao respecto, ao amor, á entrega plena sen esperar nada a cambio”. Iso si, advirten que “o emprego habitual de Igualdina pode convertelo nunha persoa respectada, chea de virtudes e un modelo a seguir polas persoas que o rodean”.

Outros artigos

Unha muller faleceu logo de ser atopada inconsciente na auga en Muros

Foi rescatada por unha mariscadora e, malia os intentos por reanimala, os servizos sanitarios só puideron confirmar o seu pasamento. Minutos despois das 14:15 horas, os xestores do 112 Galicia tiveron constancia dos feitos por vez primeira, a través dunha chamada de...

+

Publicidade

Revista en papel

Opinión

“Vergüenza o sinvergüenza”. José Antonio Constenla

“Vergüenza o sinvergüenza”. José Antonio Constenla

Desvergonzado es aquel “que habla u obra con desvergüenza”, y también elque “no muestra vergüenza por cometer acciones que se reputan inmorales”. Yvergüenza es la “turbación del ánimo ocasionada por la conciencia de algunafalta cometida, o por alguna acción deshonrosa...

“Para desfrutar dela”. Luís Celeiro

“Para desfrutar dela”. Luís Celeiro

As festas de verán en Galicia son ledicia, festa, música e baile, verbena e fartura. Pola mañáé outra cousa, os traballadores teñen que respectar o horario e andar dereitiños cara aolugar do traballo. Ou cara ao ordenador que espera coa lámpada acendida e co disco...