Xa está dispoñíbel en prevenda o Calendario Solidario de Ambar

Xa está dispoñíbel para a súa prevenda o Calendario Solidario 2022 da Asociación Ambar das persoas con Diversidade Funcional.

DCIM\100GOPRO\G0014526.JPG

Segundo informa a entidade, esta oitava edición do calendario (un novo repaso creativo por algúns dos filmes de meirande pegada da carteleira das últimas décadas, nos cales as e os protagonistas indiscutíbeis son as e os integrantes da comunidade de Ambar), vén marcada pola conmemoración do 40 aniversario da asociación, que en 2022 cumpre 4 décadas impulsando os dereitos das persoas con diversidade funcional.

Así, baixo o slogan 40 anos de cine, 40 anos de Ambar, recompilaranse fitos históricos da traxectoria da entidade a par que películas representativas do cine español desas datas.

Desta volta, Ambar volve contar coa colaboración creativa do fotógrafo Victor Manuel Martínez (Pichero).

A presentación oficial do calendario farase no mes de novembro seguindo a liña de anos anteriores e tendo en contas as medidas de seguridade vixentes nese momento.

O calendario ten un custe de 7€ na súa versión de parede e 3€ de mesa. Pode reservarse tanto na web da entidade (asociacionambar.org) coma nas canles habituais: chamando ao 981 87 44 80 ou escribindo a correo@asociacionambar.org. As primeiras 20 persoas que o reserven recibirán un agasallo dos obradoiros artesanais de Ambar.

40 aniversario dunha asociación histórica

Este proxecto, que comezou a súa andadura no ano 2015 e que promove o cine con valores sociais e o apoderamento das persoas con diversidade funcional a través da expresión artística, vístese de gala para conmemorar o 40 aniversario da Asociación Ambar. Nesta edición o calendario estará composto por carteis representativos do cine español dos últimos 40 anos e irá acompañando de fitos históricos relevantes na traxectoria da entidade.

ozedf

Coa recadación obtida da súa venta, Ambar impulsará proxectos que melloren a autonomía e calidade de vida das persoas con diversidade funcional.

Está dispoñíbel xa en Youtube un audiovisual coa presentación do calendario.