Rianxo aproba unha subida do imposto de vehículos acorde co IPC

O Pleno de Rianxo aprobou un aumento do tributo sobre vehículos de tracción mecánica para o 2022. É o único dos impostos municipais que se toca, e faise para actualizalo co IPC, que está previsto que suba en torno ao 4 %, segundo explicou o edil de Facenda.

A subida sitúase nunha media de dous euros ao ano por veciño. Nos vehículos de menos de oito cabalos situarase nos 18,79 euros, e nos de oito a 12 cabalos, nos 50 euros. O imposto aos turismos incrementarase, de media, nuns seis euros.

Durante a sesión tamén se aprobou por unanimidade un pago de facturas, que non entraban dentro dos orzamentos, por un importe de 93.495 euros. Previamente, o pleno dera luz verde a dedicar ao abono desta débeda 11.661 euros que sobraran dunha das cotas pagas ao Consorcio pola escola infantil.

O resto de tributos permanecen intactos e que a intención é equilibrar o gasto que previsiblemente se derivará da subida do prezo da electricidade, que tamén afectará o abastecemento de auga, e da actualización dos salarios dos funcionarios.