O vindeiro 15 de outubro vai comezar en Porto do Son unha actividade para favorecer a inclusión social e laboral das persoas que se instalan entre nós procedentes doutros países e culturas. Trátase do Curso de Español para Inmigrantes, unha acción formativa e inclusiva que se desenvolve de balde en horario de 11.00 a 12.30 horas, de luns a venres, na Casa da Cultura de Portosín. Cóntase coa colaboración de Cruz Vermella de Noia. A actividade vén da man de Benestar Social de Porto do Son. Para máis información cómpre chamar ao 981 86 74 14.
