Persoal de Vegalsa-Eroski baixa ás praias de Boiro con Amicos para limpalas de plásticos, cabichas e outros refugallos

05 Outubro 2021

Ao voluntariado da Asociación Amicos que está a realizar dende hai meses a exemplar e encomiábel tarefa de limpar as nosas praias de plásticos e outros materiais nocivos para o medio mariño súmanselle novos apoios, solidarios e comprometidos medioambientalmente. Os máis recentes, os do persoal da empresa Vegalsa-Eroski, que uniu forzas cos membros da asociación para a retirada de residuos nos areais de Boiro.

Esta participación directa abéirase ao marco do convenio formalizado o pasado mes de maio entre a dita compañía alimentaria e a Asociación Amicos, un convenio centrado en fomentar o coidado da nosa costa. A raíz del, persoal de Responsabilidade Social Empresarial (RSE) e de Calidade e Medio da empresa galega de distribución alimentaria sumouse na xornada deste 5 de outubro ao voluntariado de Amicos para levar a cabo tarefas de limpeza na Praia Xardín da localidade coruñesa de Boiro.

Foron preto de 40 as persoas que se deron cita neste encontro para combater o que se coñece como basuraleza e loitar pola redución dos residuos en espazos mariños protexidos das Rías Baixas, entre usuarios e técnicos da asociación, entre os que se atopaban o seu director xeral, Xoan España, e o responsábeñ de emprego e empresas, Miguel Beiro, ademais de persoal de Vegalsa-Eroski, por exemplo a súa directora de RSC e Comunicación, Gabriela González, e por último tamén asistiron o director do Parque Nacional das Illas Atlánticas, Jose Antonio Fernández Bouzas e Jose Romero, director adxunto do parque nacional de Cabrera en Baleares.

Na xeira de limpeza participaron un total de 40 persoas e recolléronse 15,5 quilogramos de plásticos, 1,5 de mestura, 100 gramos de metal e 0,7 quilogramos de papel. Entre os residuos atopados había sobre todo cabichas, cordas, cabos e material de traballo procedente das bateas.

“Trátase dunha iniciativa de valor compartido, no que participan distintos axentes sociais, con dous eixos de traballo: por unha banda, a recollida, clasificación e valorización dos residuos e, pola outra, a formación de educación ambiental e a sensibilización nos colexios”, informaron as dúas entidades participantes.

Outros artigos

Publicidade

Revista en papel

Opinión

“Unha de ameixa roubada”. Antón Luaces

“Unha de ameixa roubada”. Antón Luaces

Está visto: seis mil euros non é o valor real da cría de ameixa roubada aos mariscadores do pósito de San Antonio, en Cambados, porque a ameixa substraída da batea de preengorde podería multiplicarse por tres ou catro en base ao resultado dos plans de semente que...

“Los menores inmigrantes”. José Castro López

“Los menores inmigrantes”. José Castro López

La inmigración es responsabilidad del Gobierno, pero su única política conocida fue lasobreactuación que montó en Valencia en 2018 para recibir al Aquarius. Desde aquel“golpe de efecto” no se conocen medidas gubernamentales razonables para enfrentarse aeste...