O Concello de Ribeira, ao abeiro do Programa de Emprego O Pote II, vai organizar unha Xornada de Showcooking o mércores 13 de outubro no edificio do Mercado Municipal de Ribeira. A xornada desenvolverase de 9.00 a 12.30 e contarán coa colaboración do Consello Regulador do Mexillón de Galicia.
O evento dará comezo no primeiro andar do edificio cunha charla a cargo de Gabriela André, responsábel do Departamento de Marketing do Consello Regulador.
A continuación, no segundo andar, os alumnos do obradoiro xunto co docente da especialidade, cociñarán unha serie de elaboracións con produtos da marca Mexillón de Galicia. A xornada rematará coa degustación dos pratos acompañados dos viños da adega Pazo do Mar.
