A portavoz do BNG en Europa, Ana Miranda, e a deputada no Parlamento Galego, Rosana Pérez, mantiveron un encontro esta semana co comité de empresa da planta de compostaxe de Lousame, no lugar de Servia, no que lle trasladaron o respaldo do Bloque “non só desde o punto de vista laboral, senón tamén medioambiental”. Segundo fixo saber Mirada na reunión, “a posta en marcha de pequenas plantas que realicen o tratamento de residuos é o modelo que defende o BNG fronte ao modelo de SOGAMA”, modelo que o BNG cualifica de “ruinoso e contaminante”. Na xuntanza tamén participaron portavoces do BNG nos distintos concellos afectados.
O BNG esixe o mantemento dos postos de traballo da planta de compostaxe de Lousame
A portavoz do BNG en Europa, Ana Miranda, e a deputada no Parlamento Galego, Rosana Pérez, mantiveron un encontro esta semana co comité de empresa da planta de compostaxe de Lousame, no lugar de Servia, no que lle trasladaron o respaldo do Bloque “non só desde o punto de vista laboral, senón tamén medioambiental”. Segundo fixo saber Mirada na reunión, “a posta en marcha de pequenas plantas que realicen o tratamento de residuos é o modelo que defende o BNG fronte ao modelo de SOGAMA”, modelo que o BNG cualifica de “ruinoso e contaminante”. Na xuntanza tamén participaron portavoces do BNG nos distintos concellos afectados.
Segundo salientaron as nacionalistas, “resulta imprescindíbel defender este servizo básico e garantir o tratamento da materia orgánica para a elaboración de compost, tal e como fai esta planta”.
Tamén destacaron que estas instalacións xestionadas pola Mancomunidade Serra do Barbanza prestan servizo a nove concellos e “xeran máis de 150 postos de traballo, desempeñados na súa maioría por mulleres”. Amais, defenderon que “é imprescindíbel garantir a continuidade das traballadoras e traballadores máis alá de 2023, ano no que remata a actual concesión de FCC”.
Na súa opinión, compre licitar a xestión do proxecto antes de que finalice esta concesión para “garantir o emprego e a axeitada xestión de residuos nesta comarca”, manifestou a portavoz do BNG en Europa, quen reclamou investimentos europeos para cumprir cos obxectivos que marca a normativa europea. Ana Miranda avanzou que “trasladará o tratamento de residuos en Galiza a Europa a través da Comisión de Peticións”.
Ana Miranda engadiu que “o modelo de compostaxe é o modelo baseado na reciclaxe que defende a Unión Europea fronte ao modelo de SOGAMA, que ao estar baseado na incineración causa grandes prexuízos medioambientais”. Ademais, denunciou “que este modelo incumpre sistematicamente tres directivas europeas, como son a de Vertido, de Envases e Marco de residuos”. Así, indicou “que SOGAMA non respecta a xerarquía de refugallos en tanto que está baseado na non separación na orixe dos materiais, senón vai mesturada no transporte até a súa incineración, como ten denunciado o BNG tanto no Parlamento Galego como na Eurocámara”,
Segundo salientaron as nacionalistas, “resulta imprescindíbel defender este servizo básico e garantir o tratamento da materia orgánica para a elaboración de compost, tal e como fai esta planta”.
Tamén destacaron que estas instalacións xestionadas pola Mancomunidade Serra do Barbanza prestan servizo a nove concellos e “xeran máis de 150 postos de traballo, desempeñados na súa maioría por mulleres”. Amais, defenderon que “é imprescindíbel garantir a continuidade das traballadoras e traballadores máis alá de 2023, ano no que remata a actual concesión de FCC”.
Na súa opinión, compre licitar a xestión do proxecto antes de que finalice esta concesión para “garantir o emprego e a axeitada xestión de residuos nesta comarca”, manifestou a portavoz do BNG en Europa, quen reclamou investimentos europeos para cumprir cos obxectivos que marca a normativa europea. Ana Miranda avanzou que “trasladará o tratamento de residuos en Galiza a Europa a través da Comisión de Peticións”.
Ana Miranda engadiu que “o modelo de compostaxe é o modelo baseado na reciclaxe que defende a Unión Europea fronte ao modelo de SOGAMA, que ao estar baseado na incineración causa grandes prexuízos medioambientais”. Ademais, denunciou “que este modelo incumpre sistematicamente tres directivas europeas, como son a de Vertido, de Envases e Marco de residuos”. Así, indicou “que SOGAMA non respecta a xerarquía de refugallos en tanto que está baseado na non separación na orixe dos materiais, senón vai mesturada no transporte até a súa incineración, como ten denunciado o BNG tanto no Parlamento Galego como na Eurocámara”,
