Ás 12 horas de hoxe, un particular chamou ao 112 Galicia para informar de que un coche caera ao río cando circulaba pola DP-4502, dirección Mazaricos, en Serra de Outes. Aseguraba que vía aos ocupantes fora do coche pero que outra persoa, aínda que tamén estaba fora da auga, quedara nunha zona de difícil acceso e necesitaba axuda.
O turismo, tras saírse da vía, quedou nunha zona de pendente, de difícil acceso, por iso, foi necesaria a intervención dos Bombeiros e dos membros do GES de Muros, que axudaron á persoa a saír do lugar para ser trasladada polos servizos sanitarios.
Decontado, desde o 112 púxose en marcha un dispositivo no que interviñeron ademais dos servizos sanitarios, os Bombeiros de Boiro, de Ribeira, os membros do GES de Muros, a Garda Civil de Tráfico e os efectivos de Protección Civil.
Tras ser rescatada, unha ambulancia dos servizos sanitarios de urxencia agardaba á muller para ser trasladada.
